Stamm
Gründungsmitglieder erzählen
«Uff en Inserat in dr Zyttig hämmer ys bi de «Costümfraze » gmäldet zem leere pfyffe, das isch grad noo dr Fasnacht 1968 gsi. D «Costümfraze» sin e raini Frauegrubbe gsi: D Majorene und zueglyych Obfrau het ys behandlet wie Schuelmaitli und gar mänggs het ys nit passt und mr hänn drum dert nur zwaimool mitgmacht, nämlig s erscht und s letscht Mool!
Bim e Glas Wyy im Lällekeenig hämmer derno beroote, wies soll wyter goo. Mr sinn zem Schluss koo, mir kennte sälber ebbis uff d Bai stelle.
Im Mai 1969 hämmer denn im Zunfthuus zem Schlissel die erschti Sitzig aagsetzt. D Rita Bonnet het Gugelhepf mitbrocht und bim e Glas Wysse het die Idee langsam Gstalt aagnoo. D Cecile Janiery het dr Lucien Bonnet gfroggt, ob är nit wett unsere Dambourmajor syy. Dr Lucien und dr Guschti Hohl, wo au derbyy gsi sinn, hänn ys mängge guete Root kenne gää. Mr hänn au iber unsere zuekinftige Cliquenamme ghirnt. Dr Lucien het gwisst, ass es e March git, wo «Junteressli» haisst, und dä Namme het alle gfalle. S Signet vom Rössli in Biel-Bängge het ys als grafischi Vorlaag zem Cliquesignet dient; mr hänn e Zindholzbriefli abgstaubt und das e bitz abgänderet!
D Pfyfferstunde hämmer nit welle im ene prosaische Schuelzimmer abhalte. Mr hänn drum e haimeligi Baiz gsuecht und in dr Glaibaslerstube an dr Speerstroos Underschlupf gfunde. Dert hämmer im Glettizimmer derfe iebe! Dr lnstruggter isch dr Franz Freuler, em Käthy sy Maa.
An dr erschte Fasnacht, also 1970, simmer mit zwölf Vorträbler/e, dryzää Pfyffer/e und aim Dambuur gstartet. Mr hänn alli unseri Märsch beschtens kenne und es het wirgglig guet deent. S Comite isch dozmool no uff em Märt gstande, und grad wo mir an däne Heere verbyy defiliert sinn, hetts em Peter Schärer mit eme lutte Gnall s Fäll verjaggt! Vo däm Momänt aa hetts halt numme no pfiffe!
S erscht Sujet isch «S Katze-Minze-Wunder» oder «Kasch mit Wasser!» oder aifacher: «S Drachebrinneli im Allschwilerwald.» gsi. Dr Guschti Hohl het is Wunderlärvli gmacht. Dr Major isch e prächtige Luschtmolch gsi, d Pfyffer/e hänn e ganz gwoggt Goschdymgha mit goldige Buuse und durchsichtige Libällefliigel.Und unsere Dambuur isch e wunderscheene Wolf imSchoofspelz gsi. Im Vortrab hämmer verschiedeni Figuuregha, zem Byspiil e Wasserniggse, e Quellegaischt, eWässerli-Apitheker, e Waldgaischt und so wyter.
Unseri erschti Ladärne isch nit ebbe in dr Kasärne oderin dr Muba gmoolt worde. Nai, nai, iir verrotets nie!Das Prachtstigg het d Brigitte Ritter in Paris gmoolt!Dr Deelifondroht zwische däre Wältstadt und unseremhaimelige Basel isch haiss gloffe. D Uschi und dr ThomasZeuner hänn zue sällere Zyt au grad z Paris gwohntund sy sin amme d Moolere go bsueche und hänn ysdenn brichtet. Zämmegrollt isch derno die Lampe kurzvor dr Fasnacht in Basel yydroffe und denn hämmer sizerscht no miesse uffs Gschtell naagle.
Zem d Gselligkait au underem Joor z pflääge, hämmerbschlosse, jedes Joor e Piggnigg mit Kind und Keegelduurezfiere. S erscht Mool am 28. Juni 1970. Mr hännys uff dr Ponyranch in Seewe besammlet und hännderfe uff dr Matte, wo zum Huus vom Lucien sym Babbegheert het, gmietlig unseri Glepfer breetle. Nochhärhämmer no gschuttet! Sälbetsmool sin Perygge drabsolut Hit gsi, und au s Wally het sich so e Ding iber drKopf gstilpt gha. Aber bym e hitzige Gfächt hett sy denndie Perygge verlore; zer grosse Fraid vo alle Aawäsende!Däre Matte hämmer gly am Aafang dr Namme «Junteressliwiise» gää!
En andere Höhepunggt im Cliggejoor isch unser Santiglaus-Ässe gsi. S erseht Johr isch bsunders stimmigsvoll uusgfalle: S het ganz fyyn gschneyelet, wo mr ysin dr «Basler Kanne» in dr Staine (die Wirtschaft gitsnimme!), zem e Fondue droffe hänn. Dr Santiglaus ischdenn nadyyrlig au scho koo. S isch e gmietlige, feyneOobe gsi.
Au e Pfyfferbummel hämmer vo Aafang aa duregfiert,und zwar immer im Juni, wenn d Kirsi ryff sinn! In deerschte paar Johr isch en uralt, haimelig Laiterwäägeliunser Requisit gsi, dert drin hämmer unser Zvieriverstaut. Aimool hämmer welle in dr Langen Erle iberd Wiese, aber wyt und brait isch kai Brugg gsi. Kurzentschlosse hämmer unseri Schue abzooge, s Laiterwäägelipaggt und sinn iber spitzigi Stai dur s Wassergloffe. Meh als nur aimool wärs fascht lätz uuse koo und mir hänn unser Zvieri scho gseh dervoo schwimme. Vor Lache hämmer fascht in d Hose gmacht!
Ändi März 1971 isch d Glaibaslerstube zue gange und mir hänn dur dr Franz Gaschträcht in dr Cliggestubevo dr VKB im erschte Stogg im Hinderhuus vom AlteWarteck bikoo. S Parterre vo däm Hysli het als Velokällerdient, isch dräggig und voller Spinnbubbele gsi. Nach lange Verhandlige isch daas denn unseri Cliggestubeworde! No vyyl Froonarbet an mänggem Samschtigdur dr ganz Summer dure, hämmer am 15. Oggtober1971 unseri erschti Cliggestube yygweiht. Uus eme gruusige, dräggige Loch isch e Bijou entstande. Em Bössliisch vor Begaischterig grad d Dubak-Pfyffe in letschte Farbkessel gfalle, und si isch jetz no wyss … und mänggJohr als Reliquie im Cliquekaschde ussgstellt gsi.
Mit de Finanze ischs am Aafang nit zem Beschtegstande. Zem däre Mysere e bitzi abzhälfe, hämmer im Oggtober 1971 im Saal vom Alte Warteck e «Käferfescht» organisiert. Mr hänn e Muusig engagiert, drFranz het mit e baar Kolleege fir e Dringg-Gäld zemDanz uffgspilt; au e Tombola hämmer uffzoge. Wie alti Profi simmer abwäggsligswyys hinder dr Bar gstandeund hänn uffbasst, ass mr nit iber dr Strich yyschängge. Unseri Kasse hämmer uff die Art und Wys mit ebbe 1'600 Frangge kenne uffstogge. - S Johr druff hämmer dä Aaloss noonemool duuregfiert, aber s hett nimmesoo vyyl brocht. Dr finanziell Ertraag isch in kaim Verhältnisme zem Uffwand gstande, und drum hämmerdas Kapitel denn abgschlosse. No langi Johr hämmeraber in unserem Stammlokal, em «Alte Warteck» andr MUBA d Bar im Saal bewirtschaftet, was ys jewyls eguete Zuestupf in d Cliquekasse gäh hett.
Rita Bonnet, Wally Schlotter, Cécile Janieri, IngridMüller, Anne-Käthi Senn, Käthy Freuler, Lisbeth Bigler (Junteressli der ersten Stunde)
