Junge Garde
«D Junteressli starte im Galopp – E Jungi Garde beraits im 2. Johr»
D Zuekunft von ere Clique isch die Jungi Garde
Scho im April 71 hänn drum d' Junteressli dr Gründig vo-n-ereJunge Garde zueg'stimmt. Ganz in dr Tradizion, wie Clique friehnermänggmol entstande sinn (d'Rätz uss eme Arbeiterverain,d' Barbara uss eme Artillerieverein und d'Olympia uss eme Turnerkreis),so sinn die Junge Junteressli aigentlig uss dr Pfadigrubbevon St. Urs («Pionnniers»/Jungrover vo dr Pfarrei St. Anton) entstande.Die Pfadigrubbe isch versterggt worde durch Kinder vo de«Alte» Junteressli und durch drey Erwaggseni, wo aagfange hänn,s Drummle oder Pfyffe z lehre … aber erscht e baarMärschli hänn könne. D Junteressli hänn drum scho ab1972 au Erwaggsenikürs gfiehrt.
Die erschte Junge Junteressli
So hänn d Monique Gattlen (Bonnet), d' Dänny Soltermaa(Bonnet), d Luli Vuiltier und d Claudia Buck alsPfyffere und dr Martin Buck als Drummler an dr erschteFasnacht vo dr Junge Garde mitgmacht. Dr Tambourmajorisch «d Chiquita» (Pfadiname) gsi, wo ainigi vo drClique wärde erinnere. An dr erschte Fasnacht sinn dieJunge Junteressli mit vier Pfyffere, eme Dambuurmajorund aim Drummler gloffe. Dr Vorstand vo dr JungeGarde hett sich zämme gsetzt uss em Lucien Bonnet(Tambourmajor und Obmaa vom Stamm, dr Ursi undem Jean Buck (d' Eltere vom Martin und dr Claudia), drGigi Blaser und em Dieter Leu und mir. Als Obmaa han-ych dörfe iebe für my spöteri Uffgoob als Obmaa vom Stammverain.
Fasnachtsvorberaitige im Weekend
D Fasnacht im Detail plaant hänn die Junge Junteressliim Weekend im Pfadihuus vo Balsthal. Dert hänn syuss vyle Vorschleeg vo de Junge denn ihres Fasnachtssujetgfunde. Es isch uns vo Aafang aa wichtig gsi, dassd Kinder s Fasnacht mache vo Grund uff lehre: Vo drSujetwahl bis zem Larve sälber mache. Im Laagerruumvom Guschti Hohl und de «Basler Gnuschti» in «Blätzbumms» (Birsfälde) hett die Jungi Garde denn ihriLarve, s Requisit und d' Lambbe sälber baschtlet. DrJean Buck hett d Latärne gmoolt und d Ursi Buck hettalli Goschdym gnäit.
D Larve abhoole bruucht Muet
Dr Guschti isch dr Larvemacher vo de Junteressli, eFründ vom Lucien und dr Tambourmajor vo de AlteGlaibasler gsi. Är hett sy Atelier im Imbergässli im 5.Stogg gha und isch under anderem beriehmt und berüchtigtgsi durch sy lychti Erregbarkait. So isch immerwieder vorkoh, dass är e Fasnächtler/e am Schlawittlipaggt hett und sy drmit bedroht hett, är wurd sy dStääge aabe wärfe, wenn ihne die Larve nit gfalle wurdwie-n-är sy moolt (Glaubet mr: Die staili Stääge, emGuschti syni stächende Auge und sy hochroote Kopf- wo me dänggt hett, dass er jeede Momänt explodiert -sinn e tödlig Verspräche gsi!). Leider ka dr «Hamschter»(Pfadiname) syni persönlige Erläbnis doo drzue nümmsälber brichte. Trotz allem hänn alli am Schluss e wunderschöniLarve gha.
Die erschti Fasnacht vo de Junge
S Sujet isch s 100 Johr-Jubileum vom Schlumbärgerli gsi(«Maint s Pfinderli zem Kilo: 100 Johr - wievyl no?» DrTambourmajor isch dr Mösieur Schlumbärger uss emElsass gsi, uff de Köpf hänn die Junge riesigi Schlumbärger-Weggli uss Styropor gha. Uff em Requisit isch sUr-Schlumbi ussgstellt gsi und dr König Schlumbi hette grosses Schlumbi by sich gha. Daas hett är bym duureDefiliere em Obmaa vom Fasnachts-Comité überraicht,zämme mit eme Värs, dass es jetzt au «Jungi Junteressli»gitt.D Fasnacht hett für die Junge Vordrääbler 40 Franggekoschtet (zwai Mol 10 Stutz für die beide Nachtässe, 10Stutz für dr Bummel und 10 Frangge für in d' Cliquekasse).S Spiel hett no 70 Frangge miesse druffleege fürd Larve und dr Stoff. D Goschdym hett d' Ursi gratisgnaiht, und d' Lambbe hatt dr Jean au gratis gmoolt.Die Jungi Garde hett Fasnacht gmacht mit 2'434.75Frangge für 24 Kinder. D Johresabrächnig hett abgschlossemit eme Reinverluscht vo 2.65. Die sinn vomVorstand vo de Junge ussgliche worde, denn im Protokollvo de «Alte Junteressli» vom 15. Oggtober 1971liest me beschämt: «Von uns erhalten sie nichts!». Dieerschti Subvention für die junge Junteressli sinn 300Frangge gsi; do drvo sinn ys no 50 .- abzooge worde,will mr vergässe hänn, in dr Latärne-Ussstellig d Kerzeaaz'zünde.
E Drummler- und Pfyffergrubbe mit ere stargge Junge Garde
Nach dr Fasnacht hänn die Junge Junteressli en Inseratzem Drummle und Pfyffe uffgäh und doo drvo - daassinn no Zytte gsi - über 100 Aamäldige bekoh (dieerschti jungi Garde, wo Maitli uffgnoh hett). So liist mein unserem Absagebrief an enttüschdi Eltere: "...müssenwir Ihnen mitteilen, dass uns leider nicht möglichist, ihr Kind schon dieses Jahr bei uns aufzunehmen".«Tempoera mutantur»! Ab em erschte Kursjohr hänndie Junge Junteressli scho Pfyffer- und Drummlerkürsin jewyls zwai resp. drey Klasse gha. E hochstehendiQualiteet im Pfyffe und Drummle isch vo Aafang aae wichtigs Zyyl gsi. Do drzue hett au s jährlige intärnePryspfyffe und -drummle vo de Junge Junteressligheert, wo speeter denn als weniger kompetitive Aalossins Resslispiel überfiehrt worde isch.Mit dr Gründig vo dr Junge Garde scho im zwaite Johrals Clique hänn d Junteressli Fasnachtsgschicht gschriebe:No nie vorhär hett e Pfyffer- und Drummelgrubbee «Drummel- und Pfyfferschuel» duuregfiehrt (daasisch s Privileeg vo de altehrwürdige Stammverain gsi)… und scho gar nit mit Buebe und Maitli … und drzueaane no mit verainzelte Maitli, wo hänn welle Drummlelehre. Für mittleri bis starggi Unrueh in der Wält vo deFasnachts-Purischde isch gsorgt gsi.D Gschicht hett de Junteressli rächt gäh: E stolzi undstarggi Jungi Garde für Buebe und Maitli isch dieentschaidendi Basis für dr Erfolg vo de Junteressli unduff ihrem Wääg vo-n-ere glaine Drummel- und Pfyffergrubbezem e stolze Stammverain gsi.
Victor Müller-Oppliger (Gründer-Obmaa Jungi Junteressli)
